ऐसा भी होता है – अजि मी ” ” पाहिले

गेल्या आठवड्यात कॉन्फरन्स निमित्त एका बड्या हॉटेलात ३ दिवस होते. कॉन्फरन्स त्याच हॉटेलात असल्याने तेथेच राहणे योग्य वाटले. हॉटेल एकदम branded, त्याचे मूळ मालक मोठी विमान कंपनी. अतिशय झकास असे ठिकाण. हा हल्लीचा नवीन ट्रेंड आहे कि कॉन्फरन्सचे आयोजन बड्या हॉटेलात करायचे.

हॉटेल व्यवस्थापक एकदम हुशार, ते हि सोय उत्तम करतात. कुठे काही कसूर नाही. बोट ठेवायला जागाच नाही म्हणा. पैसे मात्र भरम साठ. मी तर म्हणते ऑफीस देते म्हणून ठीक. स्वतः खर्च करून जायचे तर मग कठीण आहे. पूर्वी कॉलेज/ युनिवर्सिटी चे हॉल घेतले जायचे. तिथलाच कॅन्टीनवाला खाण्याचे बघे. नंतर हळू हळू शैक्षणिक सोबत इतर क्षेत्रात पण कॉन्फरन्स/सेमिनार/वर्कशॉप  होऊ लागले.  बदल घडू लागले. असो.

तर मुद्दा असा कि या कॉन्फरन्स मध्ये माझ्या नेटवर्क मधील काही मंडळी पण येणार होती. आमच्या भेटीचे ठरलेले आणि या निमित्ताने आमच्या काही मीटिंग होणार होत्या. पहिल्या दिवशी त्या मंडळीतील दोघे, जे एक जोडपे आहे, ते दिसले नाही. दुपारचे सेशन संपायची वेळ आली. चौकशी केल्या वर जे ऐकले ते माझ्या दृष्टीने नवलच.

तुम्ही ढेकूण बघितले आहेत का? तुमच्या घरी नसतील, कधी पाव्हण्यांच्या घरी, केंव्हा एखाद्या हॉटेलात, केंव्हा असेच कुठे तरी? कसे वाटते ऐकून🙂

तर त्या जोडप्याला रात्री झोपेत काही चावते असे जाणवले. सकाळी त्यांना ढेकूण सदृश काही दिसले. त्यांनी हॉटेल व्यवस्थापनाशी संपर्क साधला. सेवकांची टीम हजर झाली. सर्व तपासल्यावर तेथे एक न दोन पूर्ण ढेकूण कॉलनी सापडली. They were quarantined. थोडक्यात त्या दोघांना खोली न सोडण्याचे फर्मान सुनविण्यात आले. नाश्ता  खोलीत मिळाला. त्यांचे सर्व समान सफाई साठी पाठविण्यात आहे. सगळ्या कपड्यांची special  धुलाई. त्यांची पद्धतशीर सफाई झाली आणि हॉटेल व्यवस्थापनची खात्री झाल्यावर त्यांना दुसरी खोली मिळाली. प्रचंड मनःस्ताप आणि गोऱ्या कातडी वर ढेकूण कंपनी ने जे काही रंग काम केले होते ते सांगण्याच्या पली कढले आहे.दुर्दैव दुसरे काय!

जर रहायची खोली आणि झोपायची जागा नीट आणि स्वच्छ नसेल तर मग चांगल्या नावाचा काय उपयोग. आणि हो खोलीचा दिवसाचा दर जवळ जवळ दोनशे dollar होता. आता हे पोस्ट लिहितांना मी सहज गुगल करून बघितले हॉटेल आणि ढेकूण हे combination तर, result मिळाले,

About 121,000 results (0.54 seconds) ……………

This entry was posted in मनोरंजन, सामाजिक, हटके, Marathi and tagged , , , . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s