ऐकून छान वाटावे असे!

माणसाचे मन म्हणजे अजब रसायन आहे. सुख आणि दुखः कशात वाटेल सांगता येत नाही.  आज एक ६८

Mother and child
Mother and child

वर्षाची व्यक्ती भेटली. काय कुठे निघालात विचारल्या वर स्वारी खुलली आणि लगेच म्हणाली, ” जरा गावात जात आहे, थोडी फुले आणायची आहेत आणि येताना पोस्टात जाणार”. चेहरा प्रफुल्लीत होता म्हणून लगेच विचारून टाकले पोस्टात, …  काय विशेष? उत्तर आले, “माझ्यासाठी parcel आले आहे असे समजले”. चेहरा प्रश्नांकित केल्यावर पुढचे उत्तर लगेच मिळाले. दोन दिवसाने माझा वाढदिवस आहे. भेट आली आहे. In advance शुभेच्छा दिल्या आणि म्हटले अरे वाह! व्यक्ती हसली आणि म्हणाली आई ने पाठविले आहे. त्यावर माझा मोठ्ठा काय ऐकून आजू-बाजूचे लोक क्षण भर थांबले. स्वारी  शांतपणे म्हणाली, ” माझी आई ९८ वर्षाची आहे. अमेरिकेत असते. दर वाढदिवसाला न चुकता भेट पाठविते.”

काही म्हणा हे मला ऐकून खूप गोड वाटले. ९८ वर्षाची आई आपल्या ६८ वर्षाच्या बाळाला आवर्जून भेट पाठविते. वाह! आयुष्यात सारे काही कर्तृत्वाने मिळविता येते असे नाही तर नशीब ही लागते.