A single sunbeam is enough to drive away many shadows ~ Francis of Assisi
घरच्यांची माफी मागून माझ्या भटकंतीची कथा सांगते. तर झाले असे, या हिवाळ्यात नेहमी सारखा बर्फ अजून कुठे झालेला नाही पण सायबेरियातील थंड वारे पुढे आले असून हा समस्त देश गारठला आहे. उत्तरे कडे गेल्या आठवड्यात तपमान उणे ४१डिग्री होते. येथे उणे सहाच्या जवळ पास असावे. वाटताना ते उणे दहा असावे.
नवीन वर्षाचा पहिला दिवस ऊन होते आणि तपमान बरे असल्याने फिरणे झाले. अर्थातच वाटेत भेटणारे बरेचशे नोर्वेजिअन आणि अगदी तुरळक परदेशी होते. वर्षाच्या पहिल्या दिवशी सूर्य दर्शन झाल्याने वर्षभर ते होईल अशी भाबडी आशा. त्या दिवशी काढलेले दोन फोटो देत आहे.
एक ते आठ तारखे पर्यंत तपमानाचा पारा बराच खाली असल्याने आणि ऑफिसात अजिबात फुरसत नसल्याने बाहेर जाणे झाले नाही. पण शुक्रवारी वीकेंड मूड, आटोपते काम आणि सर्वात म्हत्वाचे म्हणजे तपमान उणे चार वर आलेले असून वारा फार नव्हता. मग काय मी नेहमीच्या डोंगर वर जायचे ठरविले. डोंगर वरून झिरपणारे पाणी रस्त्यावर आल्याने जागो जागी घट्ट बर्फ साठला होता. चालताना खाली बघून सांभाळून चालावे लागत होते. पण हवा छान होती आणि हिवाळ्यातील सूर्य झाडा मागून सुंदर दिसत होता आणि त्याच्या उजेडात पाला पाचोळा पण आखीव रेखीव वाटत होता. दोन तास भटकंती ने नवीन उत्साह आला.
फिरायला जाणे पूर्व नियोजित नसल्याने, कामाच्या वेळेत असल्याने आणि माझ्या e-calender वर नसल्याने घरी कळले नाही. संध्याकाळी फोटो दाखवून चकित केले आणि थोडा प्रेमळ दम पण खाल्ला.
I had my first mountain trip in the first week of 2016. I am looking forward to enjoy more of such trips in different places. Long walks are beneficial for both my physical and mental health.
Walk yourself happy
You must be logged in to post a comment.